Skip to content

“Сялец – назва-тэрмін: невялікае паселішча наогул”. [1]

Першае ўпамінанне аб вёсцы Сялец у пісьмовых крыніцах  датуецца 1397 годам. У 1541 годзе дзякуючы каралеве Боне Сфорца Сялец становіцца мястэчкам, ці інакш – горадам.
Існуе паданне, што даўным-даўно была зусім іншая назва сяла. Пасля страшнай хваробы, калі ўсе жыхары памерлі, прыехалі новыя людзі і засялілі мясцовасць. Сяліліся яны на сухіх высокіх берагах ракі Башты (сёння гэта безымянны канал), адваёўваючы зямлю ў леса, хмызнякоў і балот. Так з’явілася новая назва. Магчыма,  спачатку ёю карысталася толькі адна з груп людзей, якія пасяліліся тут, а пазней яна стала агульнай. Тым больш што назва  Сялец азначае “малое сяло”. [2]

[1] Жучкевич, В.А. Краткий топонимический словарь Белоруссии / В.А. Жучкевич. – Минск : Издательство БГУ, 1974. – С. 339.
[2]   Пейган, М. Сяло ля Башты : краязнаўчы нарыс / Мікалай Пейган. – Мінск : Кнігазбор, 2009. – С. 10-11.

Падарожжа Дылетанта. Вёска Сялец.

Designed using Unos. Powered by WordPress.